La DOP Sidra d’Asturies quier duplicar la so produción

  • 10 Mayu, 2022

 Venti años depués de la so creación la sidre asturiana bate records. En 2021 pañáronse 8.360.391 kilos  de les 76 variedaes acoyies a la denomación, que dieron comu resultáu 6,1 millones de llitros de sidre cola etiqueta que la reconoz comu DOP Sidra d’Asturies

Los avances teunolóxicos, la internacionalización, l’apaición de nuevos productos ya’l resultáu apináu de munchu márquetin van frutiando y permiten la presencia de la sidre d’Asturies con fuercia nun mercáu que ta nun de los sos meyores momentos a nivel mundial.

Con ello, l’oxetivu del Conseyu Regulaor, presidíu por Guillermo Guisasola, ye duplicar la produción de mazana DOP y la ellaboración de sidre acoyio a esa marca nel plazu de cuatro años. Pa ello ye necesario algamar dalgunos avances que beneficien a toos, non solo a los llagareros, sinón a los productores de mazana. Los precios son el campu de batalla, tantu los de la mazana, que ye necesario estabilizar y “facer razonables” comu los de la sidre natural, que va camín de diferenciar productos con estremaos precios en función de la so calidá, como por otru lláu se fae con cualisquier otra bébora.

En total son 33 llagares y 376 pumareros los implicaos nesti proyeutu, xenerando unos beneficios que superen los cincu millones d’euros y costituyendo un de les poques estayes económiques en xorrecimientu d’Asturies.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies