• Portada
  • >
  • Asturies
  • >
  • La contorna la Sidre recupera la cellebración del Floriar del Pumar

La contorna la Sidre recupera la cellebración del Floriar del Pumar

  • 27 Abril, 2022

La Contorna la Sidre ufre un prestosu calandariu d’actividaes venceyaes al floriar del pumar pa la ponte l’ún de mayu

Les actividaes, enmarcaes nel escenariu de les pumaraes floriaes, son pa tolos gustos, dende facer yoga baxo’l pumar, a visites guiaes, talleres sobre cogordes y fongos que medren pente los pumares o pelegrinar peles tierres sidreres de Colunga, finando con visita a un llagar. Estes son dalgunes de les munches opciones propuestes pa ente’l 30 d’abril ya’l 2 de mayu nos conceyos de Bimenes, Cabranes, Colunga, Nava, Sariegu y Villaviciosa, ello ye, la Contorna de la Sidre

La gastronomía asturiana sedrá coprotagonista de les xornaes del Floriar del Pumar, yá qu’estremaos restoranes de la Contorna ellaborarán una riestra menús sidreros pa comemorar la ocasión. Tolos menús, con precios de magar 17 € dirán acompangaos per dalgua de les variedaes de Sidre DOP ‘Sidre d’Asturies’, amás los sos comensales podrán esfrutar d’un descuentu especial nel acesu a los museos de la Sidre, de la Escuela Rural y del Xurásicu, asina como al Cientru d’Interpretación de la Xerra del Sueve.

Pa quien nun-y avague caleyar pente los pumares riales, la ferramienta teunolóxica ‘Tour 5 5.0 polos Paisaxes del Pumar’ ufre una opción más posao. La web-app, acabante d’estrenar,  propón a los visitantes d’estes tierres sidreres un paséu autoguiáu en coche, moto o bici en compaña de la cibermascota Sidrina, amosándo-yos les pumaraes peles que “transiten” y cuntándo-yos curiosidaes de la cultura sidrera, pudiendo algamar el diploma de Mayestros Sidreros casu de pasar la preba final.

Esti eventu cunta cola collaboración d’estremaos muerganismos y entidaes pal so desendolcu, ente les que destaquen la DOP ‘Sidre d’Asturies’ y la Coperativa Campoastur, ente otros.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies