Febreru: Asturies pierde más d’800 moraores ya’l paru baxa 100 persones

  • 4 Marzu, 2022

El paru baxó esti mes un 1’1% pente los homes y subió un 0’6% pente les muyeres

Acordies a la media oficial, el saldu vexetativu n’asturies marca  menos 23 asturianos al día (644 en febreru) y 166 emigraos mensuales solo hacia Madríd. Ensin considerar el restu les migraciones, tenemos  unos 800 asturianos menos qu’a entamos de mes, de los que más de 166 tan n’edá de trabayar y qu’al colar d’Asturies dexaron d’engrosar les cifres de desemplegu. El paru baxó en cien persones en febreru.

Otros 66.189 asturianos siguen dubiando si esperar por un trabayu remuneráu o colar ya a trabayar fuera. Más de la metá d’elles, cerca de 40.000, son muyeres, estaya que nun se vio afeutáu por esti “mes bonu”, ya que pente les trabayaores femenines el paru non solo nun baxó, sinón qu’amontó’l  0,6%.

Aparte, los espedientes temporales de regulación d’emplegu ascienden a preslle de febreru a 2.359, de los que 380 son de ERTE no Covid y el restu, por covid.

La nota positiva ye la evolución de la contratación indefinío, que medró un 14%, un pasiquín alantre nun entornu de precariedá nel que más del 80% de los contratos siguen siendo temporales y menos de la metá de los desemplegaos percibe prestaciones.

Nuria Prendes

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies