Ye conocía la implicación del conceyu de Gráu na dignificación y recuperación de los costumes tradicionales asturianos

El Conceyu moscón ufierta un cursu d’indumentaria tradicional, impartíu por Raquel Vega, de ‘Vezos y Costumes’. Mientres un total de 12 sesiones de cuatro hores ca una Vega va enseñar a diez persones tou sobro los traxes tradicionales del país, con clases teóriques y práctiques, pa conocer en fondura toles pieces, tantu les d’home como les de muyer. El cursu ye de baldre y llindáu a diez alumnos, y ca ún de los participantes va decidir qué pieces quier iguar. “De l’habilidá de ca participante va depender que realicen toles pieces deseyaes”.

El cursu desendolcaráse pente marzu y mayu, tolos xueves de cuatro a ochu. Ye imprescindible cuntar con conocimientos básicos de corte y confeción y tener matarial propiu de costura, incluyendo máquina de coser. Pa iscribise, hai qu’entregar na biblioteca de Gráu un formulariu.

Alberto Rodríguez

This work is licensed under a Creative Commons Attribution 4.0 International License.