La entrada nel Real Colexu Complutense en Harvard fai posible a los estudiantes asturianos  consiguir beques na prestixosa universidá

La universidá d’Uviéu foi almitida como miembru del Real Colexu Complutense en Harvard, un centru con see propia en Harvard, afiliáu a la institución norteamericana y destináu a promover la cooperación académica, científica y cultural con Cambridge.

Ello va permitir a Asturies, ente otres coses, ufiertar beques a investigadores y estudiantes pa que faigan estancies d’hasta dos años en Harvard. El Rectoráu va activar en 2023 cinco programes d’intercambiu.
L’alcuerdu non solo va dexar a Asturies asitiase al pie de  la élite académica mundial sinón tamién poner en marcha una riestra de programes bien ambiciosu. Dende ayudes a estudiantes pa realizar el posgráu en Harvard hasta estancies financiaes pa faer ciencia y dar clases na universidá norteamericana.
Coles mesmes, l’ingresu nel centru afiliáu de Harvard va facer posible a profesores permanentes qu’investiguen mientres un añu en Harvard con una ayuda de 2.500 dólares mensuales.

Agora falta namás un alcuerdu que permita a la totalidá de la mocedá asturiana aceder a los estudios universitarios ensin diferencies por cuestiones económiques y sociales.

Xicu Llamazares