El 14 de febrero podrán escuchase en toles plataformes dixitales los dos primeros cenciellos de Guieldu, un de los nuevos esponentes del folk asturianu 

Susana Sors a la voz, Celia  Nieto al vigulín, Jorge Álvarez al bouzouki, Héctor M. Aneiros a los whistles, Laura Méndez a los teclaos, Gabriel Catalán a la percusión y Pablo Santamarta al baxu entamen esti nueu grupu de folk asturianu que promete facese sintir.

La espresión “tar al guieldu” ye asemeyada a dir a la gueta, salir a pañar les castañes d’embaxo. Asina, comu castañes tiraes pel vientu y recoyíes por estos mozos y moces, les influyencies del folk célticu asturianu, irlandés y bretón dan llugar a una música percuriao y de calidá que mos tresporta perriba l’Atlánticu y a traviés de los sieglos.

Los dos primeros temes que tan a piques de presentarnos agora son L’Aremu, un arreglu sobre una pieza tradicional asturiana y Irish Fleadh, un set de reels irlandeses.

This work is licensed under a Creative Commons Attribution 4.0 International License.