Los cambeos nel sistema de tributación lleva a que’l catastru faiga pagar en dellos casos en base a  valoraciones perriba’l preciu real de vienta

La entrada de 2022 da pasu a la nueva regulación tributaria qu’afeuta a quienes merquen o herieden un pisu de segunda man. El Tribunal Supremu anuló’l métodu utilizáu fasta agora pol “Principado” pa calcular esti tributu, que taba basáu en multiplicar el valor catastral por un coeficiente fixu. Los servicios tributarios asturianos tienen d’utilizar agora les tasaciones hipotecaries -xeneralmente enchíes para xustificar los préstamos-  si esisten, o nel so defeutu informes periciales, a partir de los cualos van calcular el valor de referencia del mercáu, que va ser afitáu añalmente pol Catastru.

Nesti nuevu sistema’l comprador va pagar al fiscu un porcentaxe del preciu que’l Catastru considere’l afayaizu, que puede tar bien perrima del preciu real de compra. Yá se verificó qu’en munches ocasiones la factura aumenta, porque s’atribúi a viviendes valoraciones cimeres a los precios pagaos polos compraores y escriturados énte notariu, una y bones estes valoraciones catastrales inoren, por casu, la necesidá de rehabilitación de les viviendes, al nun tar esta información disponible pal Catastru.

Sicasí, nel casu contrariu, ello ye, cuando’l preciu de compraventa seya superior al valoráu pol Catastru va tenese’n cuenta’l de mayor importe, asegurando siempres que se tribute la mayor cantidá posible.