La Revolución de los tractores: el campu asturianu nun da tregua

  • 16 Avientu, 2021

Pa esti mes tan programáu un apretáu calendariu de movilizaciones, entamando pola cencerrada de mañana vienres a les 12:00 delantre la Xunta Xeneral y la receición a Pedro Sánchez nel Congresu de la FSA, esti sábadu

Llabraores y ganaeros tan en pie de guerra. Pol abandonu de l’alministración pública, que dende’l Gobiernu d’Asturies s’atreven a negar, pola necesidá d’un control qu’asegure precios xustos que permitan llevar una vida digno y nun los fuercie a abandonar la so forma de vida. Denuncien qu’entantu el nivel de vida y los costes de produción suben costantemente, el preciu que se yos paga a los productores ye’l mesmu que va tres décades, amenorgando xabazmente’l so poder alquisitivu.

Nel Estáu esiste, de fechu, la llamada Llei de la Cadena Alimentaria, qu’obliga a pagar como preciu mínimu por un productu el so coste de produción, llei que nun se ta cumpliendo. Por ello y por otres cuestiones, comu les males comunicaciones, la falta de servicios o la xestión de los montes lleven tiempu solicitando un conceyu con Adrián Barbón, que yos lu niega, polo que ya protagonizaron una cencerrada’l vienres pasáu delantre la Delegación de Gobiernu, que repetirán esti vienres y los que faiga falta fasta que los atiendan.

 

Tarán tamién presentes pa recibir comu se merez a Pablo Sánchez esti sábadu nel Palaciu de Congresos, onde tará participando nel 33 Congresu de la FSA. La cita ye a les once de la mañá.

 

Amás, el 29 del mesmu mes convócase n’Uviéu otru gran manifestamientu del campu convocáu pola asociación Asturies Ganadera, a la qu’acudiran otra vuelta con animales y tractores.

Pa finar, el 23 de xineru participarán nel manifestamientu convocáu a nivel estatal por plataformes independientes, ante la ineficiencia de los sindicatos ASAJA, COAG y UPA, a los que acusen de ser “barrigas agradecies”. La convocatoria ye’n Madrí y a ella acudirán llabraores y ganaeros de tol estáu, cuntándose que se desplacen pa la mesma un bon númberu d’asturianos.

 

Toes estes movilizaciones súmense al multitudinariu manifestamientu del pasáu 2 d’avientu y al que tuvo llugar na feria ganao de Sellaño díes depués, lo que suma un total de seies concentraciones en pocu más d’un mes, daqué que da idega de fasta que puntu la xente del campu ta dimpuesto a movilizase en defensa del so futuru.

 

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies