“Esti partíu ye una cellebración del ciarismu pa tolos que puxen pol crecimientu del club” decía el vicepresidente
Guey, día 30 de payares, el Unión Club Ciares atópase con un de los partios más importantes de la so hestoria, partiu que sin embargo, nun xugará nel so campu, La Cruz, pero si na mesma ciudá.
A menos de media hora andando de La Cruz, nel históricu estadiu “El Molinon” xugaráse un de los mayores choques culturales de la hestoria d’Asturies, un equipu declaráu como de barrio, obreru y d’ izquierdes, llegará al estadiu del grande de la ciudá, l’Sporting, que pretende pasar de ronda na Copa’l Rey ante’l pequeñu equipu de la ciuda.
Desde infoasturies, falamos con Xose F. Estrada, vicepresidente del U.C. Ceares
¿Comu enfocais la oportunidá que se vos brinda nel partiu güey?
El partido de güey, vémoslu con muncha ilusión, tomámoslu como un premiu pa la afición, los xugaores y el club, que llucharon muncho pa llegar a permitimos la participación na copa. La suerte quiso que’l rival fuere l’Sporting, un equipu hestóricu, y aunque nun se pueda xugar en La Cruz, sabemos que ye un partíu importante y tomámoslu como una cellebración pal ciarismu y pa tolos que puxen pa que’l club vaiga p’arriba
Tenéis esperanza nel partíu o nun vos veis capaces d’enfrentar un rival tan grande?
Bueno, no esportivo ta claro, les diferencies son pergrandes tamos falando d’esi mundu que ye’l fútbol profesional onde se mueven cantidades estratosfériques de perres y onde los xugadores son, incluso en segunda d’equí, estrelles internacionales, entos les diferencies pa nos, que somos de los más pequeños de la 2ª RFEF con prácticamente ningún xugaor profesional, onde nun movemos cofres pa que los xugaores puedan vivir d’esto, les diferencies son enormes.
Pero lo bueno d’esti formatu de copa ye que coles eliminatories a un partíu, a vegaes, pasen coses abondo improbables, a eso nos agarramos, a competir, dar lo meyor de nos, y ver a onde llegamos.
Como afronta el vestuariu esti partiu, como ves a los xugaores? ¿Y l’entrenador?
Yo creo que esti partidu ye especial y ta dixebráu de lo que ye la temporada.
Ye verdá que na lliga tamos sufriendo porque l’equipu nun ta xugando mal, tenemos ocasión de tener meyores resultaos pero el balón nun acaba de entrar.
Esti partíu ye un paréntesis, algo completamente distinto por toles circunstancies que se dan y la motivación d’entrenador y xugaores ye máxima. Espero que podamos facer un buen partíu, independientemente del resultau, que seya satisfactoriu pa nos y ver si eso nos motiva pa la lliga y el partiu del domingu ante’l Salamanca.
Por último, si nos puedes comentar un pizcu la filosofía d’esti equipu, llenu de barrio y clase obrera, que tanto enorgullez a los aficionaos y miembros del club
Una de les coses más característiques del Ciares ye que ta muy apegau, muy veceyau a lo que ye la realidá del barriu.
El barriu a través del club recuperó la identidá, porque esi rectángulo entre Pablo Iglesias y l’Avda del Llano pel sur y oeste y Ramón y Cajal pol este taba escaeciendose como barriu, y recuperólo a traviés del club, y el club medró a traviés del barríu. Muchos socios nuevos falen de que fueren socios fae abondo, y el club ta recuperando munchos aficionaos. Esti club pretende tar apegau a la xente del barriu y la ciudá y ser altavoz de les sos causes, ensin complexos por posicionase, y esto ye lo que y da esi cariz al club de club social, un equipu que representa a un barrio obreru de Xixon, un club que recupera lo que yera’l fútbol va años.
Nel Dos Santos Fernández
This work is licensed under a Creative Commons Attribution 4.0 International License.
