Alonso enfótase en “El Plan”

  • 1 Payares, 2021

El pilotu asturianu atópase na temporada 2022 cola cabera oportunidá para ganar el so tercer títulu al traviés de “el plan”

“El plan d’Alonso”, “El plan d’Alpine”, “El plan de 2022”, la prensa enllenóse nos caberos meses de referencies y menciones al famosu plan, pero a la fin pocos tienen claro de qué trata’l susodichu. Esti básase nel plantegamientu de Fernando pa escoyer la opción perfecha pa competir en 2022 y como l’equipu plantega domeñar el campionatu.

Un de los exemplos que representen lo que busca la pareya Alonso-Alpine ye’l de Red Bull en 2010, que demostraron una superioridá apolmonante nes primeres temporaes de la década. Sicasí la superioridá l’equipu austriacu ciéntrase n’una gran superioridá de potencia, meyora que nun va ser posible pa los franceses, yá que anguañu lo único que nun varia na reglamentación ye’l motor de les monoplaces

Otru de los momentos asemeyaos foi la temporada 2014 onde Mercedes apoderó con claridá, estendiendo’l so dominiu fasta la temporada actual onde se vieron frenaos por un gran Max Verstappen. Pero otra vegada volvemos a la disyuntiva de rede bull, los alemanes non solo apoderaron l’aerodinámica, sinón que prepararon un motor V6 Alterio con una unidá de potencia insuperable que la so meyora espéyase tamién nos equipos que montaben les sos unidaes como Williams.

El más representativu de los casos, pola situación de los pilotos y del equipu, ye’l de Brawn GP en 2009, cuando l’aerodinámica de la categoría dió un cambéu radical, y l’equipu recién adquiríu por Ross Brawn desendolcó un duple difusor que-yos traxo un montón d’ésitos mientres la temporada, llevando al equipu a ganar el campeonatu de constructores y a un Button, que la so carrera nun correspuende colos sos méritos, a ganar el campionatu de pilotos de forma aplastante, sobremanera nes primeres carreres de la temporada.

Fernando ve al equipu Alpine, antes Renault, como’l nuevu Brawn GP y dos años y una decada dempués busca aprofitar la oportunidá pa rematar la so hestoria na Fórmula 1 col so caberu trunfu mundial.

 

Nel Dos Santos

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies