El Muséu del Pueblu d’Asturies aconceyará a les families qu’apuesten pol asturianu nuna xornada d’arruelu, esporte y música pensada pa los más piqueños de la casa

L’Asociación Cultural Reciella cellebra, de magar l’añu 2.013, esta folixa abierta a tol que quiera averase y na que toles actividaes -que son abondes- tienen como llingua vehicular esclusivamente l’asturianu. Seique l’añu pasáu la situación sanitaria torgó la so cellebración, esti añu tornen con más ganes, si cabe, y con toles midíes sanitaries bien deprendíes.

L’esporte siguirá siendo un de los protagonistes y precisamente una de les novedaes d’esti añu ye esportiva: por primer vegada dende la so reconocencia comu esporte federáu tendrá llugar a la una la tardi una amuesa comentao de Valtu, la llucha asturiana tradicional, una oportunidá inmeyorable pa conocer y apreciar esti esporte.