Otru entamu de cursu marcáu por fallos nel tresporte escolar

  • 17 Setiembre, 2021

Un garapiellu de mas afeutaes pola pésima xestión de los responsables del tresporte escolar n’Asturies entamen una recoyía de robles en change.org y pidin la destitución del  responsable del Consorciu de tresporte 

Tolos años entamamos el cursu cola noticia de rapacinos que nun pueden dir a clas por falta tresporte. Esti añu nun foi estremao y diéronse dellos casos, pero el que falamos güei ye un poco estremáu: les families que, por unos metros de distancia, por peculiaridaes de los escolinos o por mala xestión vense privaos del so drechu a tresporte escolar.

Nel testu col que piden a la xente’l so sofitu cuenten escuetamente los sos casos: 4, 3 o 2 km a pata, cola so correspondiente vuelta, porque les sos viviendes nun se consideren lo bastante lloñe del centru escolar… por unos metros.

Tresportes escolares que nun tan adautaos a silles de ruedes, conductores de taxis que nun tan preparaos pa tresportar a reciella d’educación especial y apavuren a los sos pasaxeros, cientros que nun xestionen a tiempu la incorporación de nuevos escolinos, dexándolos ensin tresporte…

Un casu ya conocíu ye’l de Iuliana, nun pueblu de Vigidel de Teverga, a 5 kilómetros de llugar per onde tiene que la llínia pal Istitutu y que ya l’añu pasáu tuvo que pasar meses desixendo’l tasi qu’averare a la so fía.

Estes mas declárense fartes de tanta burocracia caprichosa que nun tien en cuenta les necesidaes de la reciella y denuncien amás les vexaciones y males rempuestes por parte del consorciu, que llegó a tratar a una de les mas de “malfollada” por reclamar los drechos de la so fía.

Desixen que l’alministración tome midíes y que la Conseyería d’Educación y la de Tresportes investiguen estes y otres situaciones parecies col responsable del  trasporte escolar pa que se garantice un tresporte escolar de calidá, qu’atienda a les necesidaes de cada escolín, como correspuende,  “ensin caprichos ridículos, ensin escudos vanidosos carentes de empatía y faltos de toa oxetividá”.

Quieren tamién la dimisión o la destitución del responsable del tresporte escolar del Consorciu d’Asturies y l’ apertura d’una investigación de por qué se toleren eses vexaciones. ¿Hai daqué qu’ocultar? entruguen.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies