Alcuentru de revistes lliteraries en Mieres

  • 16 Setiembre, 2021
Vieyes y nueves voces de la lliteratura asturiana aconceyen mañana en Mieres al traviés de les dos revistes más representatives del panorama lliterariu del país

Esti vienres 17 de setiembre dende les 19.30 hores na Llibrería-Café ‘La Llocura’ de Mieres (Cai Ayer, 1), tendrá llugar un alcuentru ente les dos revistes más actives del panoroma lliterariu n’asturianu: la revista Lliteratura de l’Academia de la Llingua y onde espublicen autores yá consgraos de les nueses lletres y Formientu, empobinada a dar espaciu a les nueves voces.
Nel actu van intervenir Inaciu Galán (exdirector y representante de Cuatro Gotes Ediciones), Claudia E. Menéndez  (como representante de Formientu) y per parte de Lliteratura tarán Xosé Ramón Iglesias Cueva (Caderalgu de Llingua Castellana, retiráu; Secretariu de l’ALLA y Miembru del Conseyu de Redacción de la revista Lliteratura) y Xandru Martino Ruz (Académicu correspondiente de l’ALLA y traductor del francés al asturianu, nun númberu como esti dedicáu a la torna).
Amás habrá llectura de dalgunos testos per parte d’autores como Alma Hidalgo o Diego Solís.
Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies