Valverán da d’alta 40 hectaries de pumarada ecolóxico

  • 9 Setiembre, 2021
Masaveu Bodegas fizo público la iscripción n’ecolóxico de la pumarada de 40 hectáries llantada na Finca El Rebollar, en Sariegu (Asturies), onde xorrecen 20.000 pumares d’once variedaes estremaes, coles que’l llagar ellabora añalmente alrodiu de 20.000 botelles  de la so sidre de xelu Valverán 20 Manzanas

Valverán vien amosando va años el so compromisu cola caltenibilidá, una filosofía qu’identifica a tol grupu bodegueru, enfotáu en facer lo que te nes sos manes por curiar del mediu ambiente, protexendo la biodiversidá y desaniciando de les sos pumaraes los adobos químicos, inseuticides, funxicides y yerbicíes, lo que-y permite recuperar l’augua proveniente de los sos propios pozos y utilizalo pal riegu y consumu humanu.

La pumarada dispón, amás, d’una planta potabilizadora cola que lleva a cabu la filtración y purificación de l’augua pal so posterior usu nos llabores propios del llagar, y una Estación Depuradora d’Augües Residuales (EDAR) pa tratar les augües residuales cola que se lleva a cabu la filtración y purificación del augua pal so posterior usu nos llabores propios del llagar.

Una de les midíes fundamentales pa poder algamar esti reconocimientu, ye’l control natural de la población d’inseutos, ensin utilizar dala triba d’insecticida. Pa ello, y siempres na llinia de respetar la biodiversidá nes sos pumaraes Valveran apuesta pola presencia de páxaros nelles, rapaces nuecherniegues y aves inseutívores (carboneros, ferrerinos, mirlos, raitanes, etc.). Pa ellos istalaron 440 ñeros 800 comederos y 120 talayes o perches d’aves pa, d’esta miente, controlar les poblaciones d’inseutos ensin l’emplegu de productos químicos. Amás, tan desendolcando sebes naturales nel zarru perimetral de la finca.

Toles actuaciones tán empobinaes a protexer la biodiversidad de les parceles desendolcando una agricultura integrada que curie y respete’l mediu ambiente.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies