Entamu de cursu: cuasi’l 40% de los interinos trabayarán a media xornada

  • 25 Agostu, 2021

L’elevadísimu porcentaxe de les places d’interinidá con calter de media xornada -cerca’l 40%- indigna a los docentes, que alleguen que los medios salarios nun algamen pa desplazamientos, aloxamientu y manutención fuera’l domiciliu avezau

La primer ufierta de places de interinidá que la Conseyería d’Educación sacó pal cursu 2021-2022 asciende a un total 2908 vacantes y sustituciones, de les que 1118 son a media xornada  (38,4%). La convocatoria ye asemeyada  a la del cursu pasáu en que se convocaron unes tres mil. Nel global d’esti cursu hai que restar 529 places cubiertes poles persones que superaron los procesos seleutivos y sumar les resultantes de xubilaciones, que sólo en el 2020 ascendieron a 430.

En Secundaria úfrense un total 1615 places; en primaria, 1443; en Formación Profesional, 247; n’Escueles Oficiales d’Idiomes, 49; n’Artes Escéniques, 42. Les places a media xornada son 591 en Secundaria, FP, EOI, Escueles d’Artes, Conservatorios, etc.; y 527 en Primaria y Educación Infantil. La suma llévanos a un 38,4%, un elevadísimu porcentaxe de places a media xornada que evidencia un añu más que’l profesoráu interín asturianu ta abocáu a la precariedá: emplegu con salarios de mileuristes que nun lleguen pa gastos de desplazamientu, aloxamientu y manutención fuera’l domiciliu. Poro, ye previsible que na alxudicación de places que tendrá llugar la prósima selmana resultarán desiertes delles. Na convocatoria nun s’especifica qué places de les ufiertaes correspuenden a les 392 estraordinaries anunciaes recientemente pola nueva Conseyera pa refuercios y atención a la diversidá comu consecuencia de la COVID.

Per otru llau, dende SUATEA denuncien tamién la forma de xestionar el calendariu d’actuaciones, les convocatories y los plazos por parte de la Conseyería. “Nun ye de recibu que les alxudicaciones de los destinos se publiquen el prósimu 31 d’agosto y que’l profesoráu tea de dir al so cientru de destín al díe viniente, 1 de setiembre, colos problemes ya inconvenientes de desplazamientu y aloxamientu que supón”.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies