• Portada
  • >
  • Conceyos
  • >
  • Andecha Astur propón camudar el nome de la “Avenida Príncipe de Asturias” a “Avenía de la Sanidá Pública Asturiana”

Andecha Astur propón camudar el nome de la “Avenida Príncipe de Asturias” a “Avenía de la Sanidá Pública Asturiana”

  • 29 Xunetu, 2021

Dientro la llinia de desmonarquización de les cais de la ciudá, Andecha Astur presentó na Casa Conceyu de Xixón una propuesta pa que se camude’l nome de la “Avenida Príncipe de Asturias” pol de “Avenía de la Sanidá Pública Asturiana”.  Con esi nome, homenaxearíase’l presonal sanitariu del  país demientres l’andanciu prevocáu pol coronavirus al tiempu que se desvenceyaríen les cais de la ciudá de la corrupta istitución monárquica.

La formación nacionaliega entama esta campaña de magar l’ésitu de la presentada anteriormente pola organización y gracies a la cuala camudóse’l nome de la cai  Juan Carlos I   y con ella pretende, per un llau avanzar nel esaniciu de los vestixos monárquicos españoles esistentes na ciudá, y al empar reconocer los méritos del presonal de la Sanidá Pública Asturiana demientres l’andandiu prevocáu por coranovirus, al empar que se sofita la propia Sanidá Pública Asturiana frente a les polítiques de privatización de la sanidá llevaes alantres pol gobiernu del “Principado”.

Na so propuesta remembren que la figura del “príncipe” y del “principado” d’Asturies tien el so orixen hestóricu en 1388, nunos fechos llamentables colos que la Corona castellana, ocupá entós pol rei Juan I, quinxo castigar Asturies, asegurando’l so sometimientu a la so corona y dando acabau a los intentos de gobiernu independiente que se daben n’Asturies.

Esi títulu, en manes agora de los herederos de los reis d’España gracies a la intervención de Francisco Franco Bahamonde, ta venceyáu a la presona de la ciudadana Leonor de Borbón y Ortiz, cuya familia presenta un curriculum vergoñosu en cuantes a presuntu tráficu d’influyencies, cobru comisiones, ocultación de padremuñu monetariu, evasión fiscal y otros presuntos delitos, motivos polos que fasta fuxó del Estáu, renunciando a la corona, el so anterior titular, Juan Carlos I de Borbón.

Poro, pidin que la Casa Conceyu de Xixón considere nuna sesión plenaria la necesidá y procedencia de camudar el nome de la “Avenida del Príncipe de Asturias”, proponiendo comu alternativa’l nome de “Avenía de la Sanidá Pública Asturiana”, n’homenax a los méritos amosaos pol presonal sanitariu del nuesu país demientres l’andanciu prevocáu pol coronavirus.

 

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies