• Portada
  • >
  • Cultura
  • >
  • XXIV Festival de Bandes de Gaites Villa de Candás

XXIV Festival de Bandes de Gaites Villa de Candás

  • 19 Xunetu, 2021

Candás recupera esti añu el so Festival de Bandes de Gaites, cola participación de cinco bandes de gaites asturianes

El Festival de Bandes de Gaites Villa de Candás lleva dos décades xorreciendo y afitándose como una de les cites musicales imprescindibles nel branu asturianu pa los amantes de la música’l País. Sicasí, l’añu pasáu tuvo de ser suspendíu, talo que la gran mayoría d’eventos culturales y músicales.

Esti añu la 24 edición del Festival tendrá formatu amenorgáu, pero cellebraráse. Tendrá llugar integramente el sábadu 24 de xunetu y sedrán cinco les bandes de gaites participantes, toes elles asturianes: la Banda Gaites Xácara, de Candás, la Banda Gaites d’Escolinos de la Banda Gaites de Candás, la Banda Gaites Camín de Fierru, la Banda Gaites la Laguna del Torollu y la Banda Gaites de Candás. Toes elles protagonizarán pasucais a lo llargo tola xornada, entamando a les 12:30 na Plaza la Baragaña cola Banda Gaites d’Escolinos.

De magar les 22:30 tendrá llugar un pasucais conxuntu de toles bandes, que saldrá de la Plaza’l Cuetu y finará na Plaza la Baragaña. Pa finar, a les 23 hores entamará l’actu principal que presllará esta edición acurtiada del Festival de Bandes de Gaites Villa de Candás.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies