Fuelga y concentración n’EBHI ante’l despidu d’otru eventual

  • 23 Xunu, 2021

La Estaya Sindical de CSI en EBHI denuncia que’l prósimu 26 de xunu va tener llugar el despidu d’otru compañeru eventual, Adrián Serrano, siendo yá 6 despidíos de los 7 eventuales que trabayaben na terminal

Esti fechu llevó yá a un grave conflictu la pasada primavera con una fuelga de fame que se allargó mientres 37 díes al informar la empresa que nun fadría usu de la tasa de reposición del Sector Públicu pola que estos trabayadores temporales pasaríen a indefiníos.
Agora, EBHI, executa’l sestu de los 7 despidos, incumpliendo l’artículu 23º del actual Conveniu Colectivu que lliteralmente recueye: “El trabayador relevista convertir n’indefiníu nel momentu de finalización del contratu relevu”.
Los afeutaos responsabilicen d’esta situación a la direición de la empresa, al Conseyu d’Alministración col so acionista mayoritariu, Autoridá Portuaria, a la cabeza, y al gobiernu asturianu, responsable políticu d’esta empresa pública y que tamién ta sentáu nel so Conseyu d’Alministración, d’ésti, y tolos demás despidos y retayos que por aciu un ERE tán realizándose amparándose na coxuntura producida pola pandemia.
Poro convoquen una fuelga para güei de 12:00 a 16:00 hores y una concentración a la entrada de EBHI  a les 12:00 hores contra’l despidu d’Adrián Serrano.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies