Otru riscar irrespirable’n Xixón

  • 17 Xuño, 2021

Les fuertes lluvies nun foron quien a llimpiar l’aire de Xixón, que vivió otra madrugada horrible de contaminación, rexistrada en toles estaciones mididores

Acordies los datos oficiales que facilita’l Gobiernu de Asturies y el Conceyu Xixón de contaminación atmosférica y calidá del aire na so web d’alcuerdu a la obligación que tien recoyida na Directiva 2008/50/CE y el R.D 102/2011, toles estaciones mididores del nivel de contaminación rexistraron esta madrugada niveles perriba los llegalmente permitios como aceutables para la salú, ensin que por ello s’activara’l acabante inaugurar protocolu pa episodios de contaminación.

El peor rexistru dióse na estación de Roces, con un diagnósticu de bien mala calidá del aire, tantu por partícules de menos de 10 micres – Pm10- como nes partícules de menos de 2,5 micres les Pm²,5.

Los vecinos de la fastera tán yá bien fastidiaos por décades de carecer la contaminación del aire, lo que los fai más sensibles non solo a la mesma polución sinón a afecciones respiratories, agravando ente otros les consecuencies de virus como’l covid. D’alcuerdu a un estudiu epidemiolóxicu realizáu pola conseyería de Sanidá del Principáu d’Asturies y presentáu l’añu 2016, los picos de contaminación atmosférica disparen los ingresos hospitalarios n’Asturies por enfermedaes respiratories.

Hai que recordar que’l Gobiernu d’Asturies nun regula los picos de contaminación pesia’l grave impautu pa la salú que tien, d’alcuerdu a tolos estudios científicos vixentes. Poro, va décades que los vecinos piden al Gobiernu de Asturies y al Conceyu de Xixón que tomen les pertinentes midíes pa correxir esti problema. Énte la inacción del Principáu”, Andecha Ástur llevó la cuestión al Parlamentu Européu en dos ocasiones, la última este mesmu mes. 

 

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies