La Coordinadora de Pensionistes llama a la movilización el 29 mayu

  • 26 Mayu, 2021

COESPE: “Pa que los nuesos fios y fies, ñetos y ñetes, puedan nel futuru cercanu y llonxanu esfrutar de los drechos que nos consiguimos” 

Dende la Coordinadora remembren que les pensiones públiques nun son caridá, son un drechu alquiríu mediante la llucha, reconocíu na Costitución española y pagáu por alantrao polos trabayaores poles sos aportaciones a la caxa de la seguridá social comu salarios diferios pa que seyan la so fonte d’ingresos y mediu de vida una bones finen la so vida llaboral.

Denuncien l’usu de los aforros que tendríen de destinase a pensiones pa fines estremaos del pagu de les mesmes, al tiempu que xustifiquen con el déficit creau por esi mal usu los retayos a les pensiones, ello ye, roben a los pensionistes y utilicen el resultáu d’esi robu comu argumentu pa retirayos unos drechos alquirios y pagaos d’antemán, con estratexes comu medrar la edá de xubilación, amontar el númberu d’años de cotización, o la derivación de beneficios a la Banca mediante préstamos ficticios y de les sos perres a “Planes Privaos d’Empresa” pente otros.

Por too ello COESPE convida a tola sociedá asturiana, non solo pensionistes actuales sinon futuros, a participar el prósimu día 29 na concentración que tendrá llugar na plaza l’Humedal de Xixón al mediudíe, pa pidir la derogación de les reformes llaborales y de pensiones por unes pensiones mínimes dignes pa toos contributives, non contributives y de vildedá al menos igual al Salariu Mínimu y hasta l’importe que recomienda la carta social europea y que aidaría a presllar la fienda de xéneru”.

 

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies