• Portada
  • >
  • Mundiu
  • >
  • Galicia pon frenu a los ocalitos y al abandonu de tierres

Galicia pon frenu a los ocalitos y al abandonu de tierres

  • 24 Mayu, 2021

La Lei de Recuperación de Terra Agraria va recuperar finques abandonaes o infrautilizaes y va prohibir el llantáu d’ocalitos, ente otres midíes pa protexer la redolada rural gallega y facela granible

Mientres en Asturies sigue apostándose pol monocultivu d’ocalitos, superándose les 61.300 hectárees previstes nel Plan Forestal Asturianu, col 20% de la superficie arbolada ocupada por ocalitales, nel país vecín prohíbense los nuevos plantíos d’esta especie en tol so territoriu.

El Diariu Oficial de Galicia (DOG) espublizó apocayá la Lei de Recuperación de Terra Agraria, aprebada pola Consellería de Mediu Rural y qu’entró a valir esti sábadu. Esa norma ufierta “una caxa de ferramientes pa tratar d’algamar l’oxetivu fundamental de poner en valor la nuesa tierra, poniendo a producir les tierres hasta agora abandonaes o infrautilizaes”, declaró’l titular de Mediu Rural de la Xunta, José González.

P’algamar esi oxetivu, la Xunta va tener potestá pa investigar de quién ye la propiedá de les finques abandonaes o infrautilizaes y poneles en furrulamientu. Los titulares desconocíos van tener un plazu de diez años pa reclamar eses tierres, primero que pasen a ser xestionaes pol Banco de Terras. En casu d’apaecer los sos dueños nesi tiempu, reembolsaránse-yos los beneficios llograos del arrendamientu del terrén.

Amás, esta llei veta los nuevos plantíos d’ocalitos, por consideralos dañibles pal mediu ambiente y peligrosu pal ecosistema pola so alta inflamabilidá y eleváu consumu de recursos. Aquelles finques que cuntaren con autorización previa van poder llantar dica’l 2 de xunetu.

Atraer población al campu ye’l principal oxetivu y pa ello plantégense aumentar el territoriu disponible,  evitar los fueos causaos pol abandonu de les tierres y pola presencia d’especies que favorecen les quemes. Tamién pretenden fomentar la creación de polígonos agroforestales y agrupaciones de xestión conxunta, articulando garantíes pa renteros y arrendadores y proponiendo xuna importante serie d’incentivos fiscales y préstamos garantizaos, cofinanciaos por fondos europeos. Tou ello plantegao teniendo en cuenta les carauterístiques específiques de la población y cultura rural gallega.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies