Reciclar poco, incinerar muncho

  • 13 Mayu, 2021

El Gobiernu d’Asturies tornó los allegamientos presentaos polos ecoloxistes a los proyeutos de Cogersa pal complexu de Serín

La Coordinadora Ecoloxista d’Asturies denuncia que l’únicu oxetivu de les istalaciones propuestes ye amenorgar el reciclaxe de borrafes qu’aporten a Cogersa y incineralos una bones clasificaos.

Les istalaciones entamaes consisten n’una Planta de Tratamientu pa la fracción entemecía de les Borrafes Domiciliaries, con una capacidá de tratamientu de 340.000 tonelaes al añu, ensin malpenes capacidá de reciclaxe, que namás pretende cubrir l’espediente pa poder colar como basura tratao, que non amenorgao, nin recuperao, nin reciclao y una Planta de Preparación de combustible sólidu recuperáu (CSR) de 150.000 tonelaes de capacidá.

“La producción de CSR a partir de borrafes urbanes y asimilables” esclarien dende la Coodinadora Ecoloxista d’Asturies- “constitúi una soversión de la xerarquía de borrafes y el desaprofitamientu d’una gran cantidá de materiales recuperables pervalibles”.

El CSR nun ye más que les borrafes clasificaes, ensugaes, pero entemecíes colo cual la so combustión ye tan pelligrosa como lo yeren anantes toes separaos, “ello ye que se-y conoz como la puerta d’atrás de la incineración”, xenerando gases bien contaminantes, con diosines y furanos.

En resume, con esti plan clasificaríen el 80% de les borrafes sólides urbanes que lleguen al vertideru, pa depués amburar el 40% de les borrafes procesaes en forma de CSR y destinar otru 23% al vertideru en forma de refuga, una cantidá desproporcionao y qu’obliga a nuevos vertideros, cuando’l de Zoreda yá nun tien espaciu pa más ampliaciones, dempués de 4 ampliaciones nos últimos años.

Poro, dende la CEA aportunen enque s’igue’l grave problema del escasu reciclaxe y escasa recuperación de borrafes sólides urbanes que fae Cogersa nel so complexu por encargu de los Conceyos y del Gobiernu d’Asturies. Les cifres indiquen que’l porcentaxe de basures reciclaes nun llega al 20% de les borrafes sólides urbanos, cantidá artificialmente amontada cuntando los datos de recuperación de les borrafes de construcción. La obligación llegal que tienen les alministraciones ye de recuperar y reciclar perriba’l 50% les borrafes sólides urbanes.

Amás, amosaron la so esmolición pola previsible autorización pa quemar estes borrafes en forma de CSR na térmica de la Pereda qu’Hunosa o na cementera d’Aboño.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies