L’establecimientu debe a los sos camareros grandes sumes de dineru en conceutu d’hores estres y por tar contrataos con categoríes que nun son les reales
Los emplegaos de la Taberna Asturiana denuncien l’impagu de les hores estres realizaes. Amás, piden a los propietarios que recueyan nos sos contratos y salarios les categoríes reales que se correspuenden a los sos puestos de trabayu. Dambes son práutiques avezaes na hostelería, pero non por ello llícites nin tolerables, polo que dende esti sindicatu llamen los trabayadores a denunciar y enfrentar los abusos llaborales que carecen.
En conociendo la situación, el sindicatu CNT Hostelería púnxose’n contautu col grupu hosteleru Cómete Asturies S.L. al que pertenez La Taberna Asturiana (ente otros establecimientos), desixéndo-yos el fin d’estes práutiques abusives y el pagu de lo debí a los sos trabayaores. Al nun recibir rempuesta dala de Cómete Asturies, faen un llamamientu a la ciudadanía paque nun se consuma na Taberna Asturiana (Calle Begoña n°6) hasta que nun se pongan al día nos sos pagos.
Dende’l sindicatu aportunen en que “esto ye daqué que por avezao nun tien de ser tolerable y que va siendo hora de camudar” y animen a tolos emplegaos en situaciones asemeyaes a cursar les correspondientes denuncies.

Llucía F. Marqués