Los cursinos impartios pola Xunta pola Defensa la Llingua Asturiana entamen el prósimu llunes 12 d’abril con toles places ocupaes
El xorreciente interés académicu pol asturianu, la so previsible desixencia nun futuru pa dellos trabayos y la posibilidá d’algamar un títulu oficial de conocencia, dan puxu a la demanda de clases d’asturianu. Asina, ya esisten escueles privaes qu’imparten la nuesa llingua dientro la so ufierta.
El pasáu 30 de marzu la XDLA anunció la convocatoria d’un cursín online de llingua asturiana-nivel básicu, pa persones adultes, onde los alumnos y alumnes van poder perfecionase nel bon usu del idioma tanto a nivel escritu como oral. El cursu, que durará del 12 d’abril hasta’l 11 de mayu de 2021 con cinco hores de clas telemática a la selmana -incluyendo una hora de tutoría virtual obligatoria- con un coste de 30 euros, tenía abiertu’l plazu d’iscripción dica’l 9 d’abril, pero enllenó les sos places en menos d’una selmana.
This work is licensed under a Creative Commons Attribution 4.0 International License.
