• Portada
  • >
  • Cultura
  • >
  • Podrá reclamase llegalmente la propiedá de los bienes inmatriculaos pola Ilesia Católica

Podrá reclamase llegalmente la propiedá de los bienes inmatriculaos pola Ilesia Católica

  • 18 Febreru, 2021

El Conseyu de Ministros vien d’anunciar qu’espublizará la llista de los bienes inmatriculaos pa que puedan ser sometios a consulta pública y que  los ciudadanos y alministraciones públiques que consideren tener drechos de propiedá sobre ellos puedan presentar pidiciones de reclamación

De magar la Llei Hipotecaria de 1946 y fasta va 6 años la Ilesia Católica tuvo la prerrogativaha d’inscribir nel Rexistru la Propiedá bienes inmuebles apurriendo namás  una autocertificación eclesiástica ya ensin dalu entítulu de propiedá. Ensin publicidá, ensin abrir un espediente de dominiu, ensin dalu procedimientu que garantice el so drechu. Nel 1998 el gobiernu d’Aznar ampliaba esti beneficiu, permitiendo inmatricular tamién llugares de cultu.

Gracies a esta permisividá llegal la ilesia, nun espoliu ensin precedentes, punxo al so nome bienes pertenecientes al pueblu por valor de munchos millones, incluyendo templos o dependencies complementaries,  viviendes, tarrenos y parceles, pente otres.

Andecha Astur ya’l grupu d’Inmatriculaciones Asturies lleven décades reclamando un llistáu claru, concretu y detalláu de les propiedaes prindaes pola Ilesia, recibiendo namás rexistros incompletos y d’abegosa interpretación, qu’en munchos casos nun dexaben siquier interpretar a qué bien se refier la iscripción. De fechu, el Grupu d’Inmatriculaciones considera que la cifra real de bienes inmatriculaos multiplica por 3 los 549 reconocios fasta agora.  Sicasí, quedó claro que ye propiedá llegal de la Ilesiala gran mayoría del Arte Prerrománicu Asturianu, cuestión pola qu’Andecha Astur pidió proteición a la UNESCO y la so incluxón na Llista del Padremuñu Mundial en Pelligru, ya que son Padremuñu Mundial y la so pertenencia a la Ilesia nun garantiza’l cumplimientu de les obligaciones de caltenimientu, rehabilitación, espardimientu y disposición pa les visites y l’estudiu artísticu, científicu y téunicu de dichos monumentos.

L’anuncia del Conseyu de Ministros cola promesa d’espublizar la llista de los bienes inmatriculaos pa que puedan ser reclamaos polos sos llexítimos dueños, si bien nun especifica plazos pal cumplimientu de la promesa, abre una lluz a la posibilidá de recuperar pal pueblu asturianu estos bienes, que’l so valir va muncho más pallá del meramente monetariu o arquiteutónicu, siendo de gran emportancia pa pescudar la hestoria mesma d’Asturies.

Espérase que de magar la espublización d’esta llista seyan miles les reclamaciones y sedrá la vez de les alministraciones asturianes de nun dexar pasar la oportunidá de recuperar estos bienes inmuebles.

Llucía F. Marqués


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies