La ciudá destácase en Barcelona10, una web empobinada a los rusos que visiten la Península Ibérica y que tienen como puerta d’entrada la capital catalana.
Llaboral, Ciudá de la Cultura, la sablera de San Llorienzo, los festivales, la sidra… Xixón protagoniza, por aciu de la collaboración de Xixón Turismu, ún de los artículos que la web rusa Barcelona 10 dedica a destinos a los qu’aportar dende Rusia al traviés de la capital catalana.
El sitiu web https://barcelona10.ru/ ye ún de los medios de comunicación de viaxes de más sonadía sobre’l tema en rusu, con más de 50.000 visites al mes.
Nel reportaxe resáltase lo que tien la ciudá que nun se puea atopar nenyuri, la meyor época pa visitala y les meyores atraiciones, los eventos principales de la ciudá, los platos típicos, la ufierta de turismu activo o les fiestes y vezos. Por supuestu, la sidre y la mar tienen especial protagonismu, xunto colos esportes al aire llibre.
Redaición InfoAsturies
This work is licensed under a Creative Commons Attribution 4.0 International License.
