La cuadratura del círculu: seguridá sanitaria y condiciones ambientales nes aules

  • 13 Xineru, 2021

El sindicatu d’ensiñantes SUATEA acusa a la Conseyería d’Educación de nun prever a tiempu daqué tan evidente comu’l fríu n’iviernu y nun tener un plan afayaizu que caltuviere les condiciones mínimes llegales pa trabayar y estudiar nos cientros escolares d’Asturies

Qu’el iviernu diba llegar, con o ensin baxaes térmiques estremes, yá se sabía por pura lóxica; sicasí -por si acasu los sindicatos d’ensiñantes alvirtiérenlo va meses nos distintos Comités de Salú Llaboral y riesgos llaborales de la Conseyería d’Educación. Que les istruciones ya encamientos de ventilación nun sedríen compatibles coles temperatures ivernices y con unes condiciones de trabayu afeches, tantu para docentes como para l’alumnáu, yeren igualmente evidentes y, por ello, propunxéronse midíes alternatives.

Sicasí, acusen dende’l sindicatu d’enseñantes asturianu, SUATEA, “como n’ocasiones anteriores, tamién nesto, la Conseyería d’Educación llega sero”.
Ello ye que caltener les clases abiertes so temperatures ínfimes ye, a cencielles, illegal: el Real Decretu Real Decretu 486/1997, de 14 d’abril, pol que s’afiten les disposiciones mínimes de seguridá y salú nos llugares de trabayu diz, nel so Artículu 7: “La esposición a les condiciones ambientales de los llugares de trabayu nun tendrá de suponer un riesgu para la seguridá y salú de el trabayadores. A tal fin, diches condiciones ambientales y sobremanera, les condiciones termohigrométriques de los llugares de trabayu tendrán d’afaese a lo establecío nel anesu III”,  que nel so puntu 3 reza: “Nos llocales de trabayu zarraos tendrán de cumplise  les siguientes condiciones: a) La temperatura de los llocales onde se realicen trabayos sedentarios propios d’oficines o asemeyaos va tar comprendía pente 17 y 27 ºC.”

Énte l’ausencia d’istruciones o midíes que faigan posible la compatibilidá ente la seguridá sanitaria frente al coronavirus y el caltenimientu de les temperatures llegalmente establecíes pal desempeñu llaboral nos centros educativos, SUATEA, al traviés de los sos delegaos y delegaes de prevención, en virtú de les sos competencies y facultaes – tal que establez l’artículu 36 de la Llei 31/1995, de 8 de payares, de prevención de Riesgos Llaborales- cursó un requerimientu énte la Conseyería d’Educación pa que, con calter urxente, adouten les midíes oportunes por que les condiciones llaborales del personal docente se desendolque nunes condiciones de temperatura afayaices. Con ello non solo traten de caltener unes condiciones básiques de trabayu, sinón, bien especialmente, protexer a los escolinos que se tan viendo sometios a estes dures condiciones por culpa de la ineficiencia y falta de previsión de los gobiernos y autoridaes educatives.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies