La inestabilidá llaboral nel seutor de la industria que lleva décades careciendo Asturies suma un conflictu más  cola anuncia recién feca por Imasa ye un casu más, xunto col de Vauste, EBHI, Arcelor. La empresa d’inxeniería solicita, amás d’un ERE pa 110 de los sos trabayadores, un ERTE pa los 360 emplegaos restantes

El grupu asturianu Imasa, con sede n’Uviéu ya istalaciones tamién n’Avilés,  presentó un espediente de regulación d’emplegu (ERE) pa despidir a una cuarta parte de la so plantiya n’Asturies, un total de 110 trabayadores. La inxeniera solicitó esti ERE aduciendo cancelación de contratos y dificultaes pa consiguir nuevos veceros nel contestu actual, afirmando qu’esti “axuste de personal” ye necesariu p’asegurar la viabilidá de la empresa. Planteguen amás, un ERTE pa los restantes trabayadores n’activu, que se sumaría al que yá tienen a valir.

Patronal y sindicatos volverán aconceyar el prósimu vienres para tratar de llegar a un alcuerdu. Los trabayadores amosáronse esmolecíos énte les declaraciones de dalgunos de los sindicatos, qu’arrenuncien a esixir la continuidá de los contratos y confórmense con “tratar d’amenorgar l’impautu de les midíes d’axuste”.

Nuria Prendes