• Portada
  • >
  • Conceyos
  • >
  • Salvemos la Fábrica de Gas: alderique sobre’l futuru del padremoñu industrial y les necesidaes del barriu

Salvemos la Fábrica de Gas: alderique sobre’l futuru del padremoñu industrial y les necesidaes del barriu

  • 3 Avientu, 2020
Mañana, 4 d’avientu, a les 18.45h en direutu al traviés de Youtube.com/LaLlegra tendrá llugar un alderique on line alrodiu la Fábrica de Gas y la importancia de poner en valor el padreñoñu industrial y la falta d’espacios públicos pa usu y esfrute de la población
 #LaLlegraOnline ye un proyeutu d’alderiques on line que ñació demientres l’empreslle y que toca temes d’actualidá en formatu abiertu y participativu, que torna agora con un tema d’actualidá n’Uviéu, pero que pue ser d’interés pa cualquier requexu d’Asturies: la importancia de poner en valor el padremoñu industrial y la falta d’espacios públicos pa usu y disfrute de la población.
“El nuesu país ta estráu d’equipamientos que fueren buque-insignia del puxu industrial de la economía asturiana. Desaniciada ésta, quédennos bayura d’espacios valeros d’actividá industrial pero qu’inda puen ser útiles pal usu popular de los mesmos. Nun Uviéu cásique monopolizáu pol lladriyu y la nueva construcción atopámonos énte un equipamientu, el de la Fábrica de Gas, que ye hestoria pura de la ciudá y, xunto cola Fábrica d’Armes, dos de los exemplos de patrimoniu industrial qu’inda caltién la llocalidá”.
P’aldericar sobre’l so valir y les sos posibilidaes cunten nesta ocasión cola doctora María Fernanda Fernández, historiadora del arte y especialista na arquitectura industrial d’Asturies. Nesti alderique van tener tamién al doctor José Ramón Puerto, arquiteutu y profesor, vicedecanu del Colexu d’Arquiteutos d’Asturies. La mesa complétase cola presencia de Waldo Valbuena, miembru de l’asociación Uviéu en Redondo, qu’agrupa a persones y colectivos de la zona antigua de la ciudá.
L’oxetivu que se marquen dende La Llegra con esta charra ye claru: dar a conocer y poner en valor estos equipamientos industriales d’Uviéu y abrir un alderique públicu col envís de da-yos una salida pública, pa que puedan ser revindicaos y utilizaos por toes y toos.
Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies