Sancionada una plantación illegal d’ocalitos en Llanera

  • 6 Payares, 2020

El llantau ta allugáu en suelu agrícola y nun cunta cola preceutiva autorización

“Esta política forestal d’apostar prácticamente n’esclusiva pol monocultivu pa beneficiar a les papeleres, amás d’altamente peligrosa, resulta tamién un absurdu dende’l puntu de vista sociu económicu, pos tou monocultivu introduznos nuna política tercermundista de dependencia granible y esplotación del mediu ambiente”

La Confederación Hidrográfica impunxo una importante sanción a los propietarios de la parcela agrícola allugada en Posada de Llanera, a veres del ríu Tarabica, na que se realizó illegalmente unu plantíu masivu d’ocalitos.

Sosprendentemente, esti cultivu forestal sí cuntaba cola autorización de la Conseyería de Mediu Rural, pesi a tratase d’una finca agrícola ensin ocalitos na so redolada, incumpliendo les mesmes normes de la conseyería.

El gobiernu del PSOE lleva décades afalando la colonización del ocalitu, a sabiendes de qu’esta especie alóctona multiplica’l riesgu de quemes, acaba cola biodiversidá autóctona ya inutiliza mientres años les tierres pa l’agricultura o pa la so recuperación natural. La barrera de les 61.838 hectárees de superficie, afitada como llende pol Plan Forestal d’Asturies pal añu 2060, foi yá llargamente superada, pero’l gobiernu del “Principado” sigue afalando l’espoxigue d’estos monocultivos forestales.

Pa los ecoloxistes, “esta política forestal d’apostar prácticamente n’esclusiva pol monocultivu pa beneficiar a les papeleres, amás d’altamente peligrosa, resulta tamién un absurdu dende’l puntu de vista sociu económicu, pos tou monocultivu introduznos nuna política tercermundista de dependencia granible y esplotación del mediu ambiente”.

Poro, dende la Coordinadora Ecoloxista d’Asturies, aplauden esta sanción y desixen una moratoria inmediata nos llantaos d’ocalitos, que frene definitivamente la espansión d’esta dañible especie

 

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies