• Portada
  • >
  • Conceyos
  • >
  • El gobiernu del PSOE en Xixón continuará regalando 45.000 € añales a la Fundación Princesa

El gobiernu del PSOE en Xixón continuará regalando 45.000 € añales a la Fundación Princesa

  • 5 Payares, 2020

Ante la propuesta d’Andecha Astur de dexar de dar perres de los ciudadanos a la Fundación Princesa, l’alcaldesa de Xixón amuésase comu una monárquica convencía, faciendo una encendía defensa del papel de los Premios Principiegos y dexando nidio que seguirá destinando una parte importante del presupuestu de Xixón a la Fundación Princesa

Coincidiendo cola entrega los Premios Principiegos, Andecha Astur presentó una batería d’iniciatives polítiques que finaren col sovencionamientu públicu de la Fundación, a la que consideren “L’axencia publicitaria de la familia Borbón” . Eses aniciatives presentáronse na Xunta Xeneral, nes Cases de Conceyu d’Uviéu, Xixón y Avilés y a traviés d’Agora Repúbliques, nel Congresu Español.

Por agora la única rempuesta recibía ye la de la socialista Ana González, alcaldesa de Xixón, conceyu nel que la mayoría socialista y republicana facía albidrar una bona acoyida de la propuesta.  Nel documentu remitíu al Conceyu recalcábase los 270.000 € entregaos por esti organismu a la Fundación Princesa ente los años 2014 y 2019 y proponíase suprimir esta sovención, a razón de 45.000 €/añu, dedicando esi presupuestu a cubrir les necesidaes de la población.

Sicasí, Ana González posiciónase na so rempuesta dafechamente favoratible a la Fundación Princesa, recurriendo a tolos tópicos maxinables pa la so defensa y dexando nidia la intención del so gobiernu de siguir regalando 45.000 euros al añu a la Fundación, de parte de tolos xixoneses.

Esi presupuestu, destaca la formación nacionaliega, resta fondos a les families de Xixón nun intre d’especial necesidá “La Casa Conseyu nos caberos seyes años entregó 270.000€ a los Borbones. Esto ye, el regalu que fizo a Leonor dexó a 3.375 families xixoneses ensin aídes municipales pa material escolar n’Educación Infantil. O dexó a 5.400 families ensin aídes municipales pa material escolar n’Educación Primaria. O dexó a 771 families ensin aídes sociales al consumu enerxéticu”.

L’alcaldesa tampocu cumplió entá la so promesa de camudar el nome de l’Avenía Rei Juan Carlos I, un determín tomáu darréu el pidíu oficial fechu por Andecha Astur y pola fuerte presión social nesi sen tres del reconocimientu públicu de la trayeutoria delictiva y vergoñosa de la corona española.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies