Concentración nel xuiciu pol dispidu d’Adrián Serrano (EBHI)

  • 20 Ochobre, 2020
El xueves 22, Adrián Serrano, un de los fuelguistes que protagonizó la fuelga de fame na empresa semipública d’estiba, EBHI, va tener el xuiciu pol incumplimientu del conveniu por parte la empresa
La llucha que demientres los meses de mayu y xunu movilizó a Xixón en desixencia del cumplimientu de los convenios y tasa de reposición d’EBHI continúa agora nos xulgaos. Adrián Serrano, un de los fuelguistes de fame, foi dispidíu (cómu se temía) en finando’l so contratu relevu, incumpliendo la empresa la tasa de reposición que los obliga a caltener el 100% de la plantiya, reponiendo xubilaciones y baxes, tornando n’indefinios a los trabayaores eventuales, midía acordies a llei y reconocía en conveniu que de ser aplicada forciaría a la empresa a dexar como indefiníu a Adrián y al restu los eventuales.
El xuiciu tendrá llugar esti xueves 22 d’Ochobre, nos xulgaos de Xixón, polo que’l sindicatu CSI entama esi día a les 10:30 una concentración de sofitu. Pel so lláu, los trabayaores tan convocaos a paros de 4 hores comu protesta polos incumplimientos de la empresa.
Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies