Les mazcarines, de fabricación china, especifiquen que nun son d’usu mélicu nel so propiu envoltoriu

La nueva remesa de material de proteición pa los sanitarios vien d’aportar a los sanitarios del HUCA. Pente ello, les mazcarines destinaes a los que trabayen en primer llinia del frente contra’l covid 19, atendiendo a los pacientes ingresaos por esti motivu y poro, los que más riesgu de contaxu carecen.

Nel mesmu sobre nel que reciben les mazcarines, procedentes del cantón de Ghanzou, en China, pue lleese una alvertencia na que se informa claramente que son “non medical device”, ello ye, que nun son material mélicu y nun proporcionen la proteición necesaria a los sos usuarios, que trabayen en contautu direutu con enfermos diagnosticaos comu positivos en Covid 19.

La resolución del 23 d’Abril del 2020, emitida demientres l’estáu d’alarma, permitía la compra y soministru a sanitarios de material non homologao pola Comunidá Europea, incluyendo EPIS y mazcarines, lo que da una idega del nivel de proteición que se “garantizó” a los equípos mélicos en primera llinia. Esa resolución tuvo en vigor dica’l 30 Setiembre, polo que nin siquiera acoyéndose a ella sedría almisible la utilización de mazcarines non méliques por parte’l personal del HUCA.

Llucía F. Marqués

This work is licensed under a Creative Commons Attribution 4.0 International License.