Esta aniciativa, promueve la involucración de los artistes cola ciudá y colos ciudadanos al travies de les sos obres, de tala mena que ca mural cuenta una hestoria, recoyendo un ciscu de la identidá uvieina y asturiana

El cuartu Festival de Intervención Mural d’Uviéu 2020, Parees Fest, aporta esti añu cuatro nuevos murales a los más de venti que lleva faciendo dende’l so entamu, nel 2017.

Comu ye vezu, los temes escoyíos son d’ispiración llocal y nacional, venceyaos d’una u otra manera al llugar onde se fexeron les obres. El carbayón Manu García foi l’encargáu de decorar el campus d’El Milán, dedicándolu a les fiestes de prau, un clásicu del branu asturianu que s’echó a faltar esti branu.   Otra muria, de la zaragozana Harsa Pati, ispírase nel cuentu tradicional asturianu “El corderín muertu frío” sobre les falses apariencies, y ta allugáu a la entrada del Colexu Públicu Germán Fernández Ramos, en Pando. El gaditanu Manolo Mesa dedicó’l so mural a la desapaecía Fábrica de Loza de San Claudio. Finalmente, y como nun podía faltar el referente feminista, la gallega Lidia Cao recoyó na Tenderina Alta el so homenaxe a la escritora uvieina Dolores Medio, con una obra que combina la so condición lliteraria cola so faceta de defensora de la igualdá de xéneru.

La realización de los cuatro murales féxose a traviés de procesos parcitipativos, ello ye, implicando nellos a vecinos y vecines del conceyu y de los llugares onde van istalase, una de les carauterístiques qu’estremen esti d’otros festivales asemeyaos nel restu’l mundiu.

Nuria Prendes