Concentración antimonárquica n’Uviéu

  • 31 Agostu, 2020

La d’Uviéu sedrá la tercer concentración convocada polos antimonárquicos dende la visita de los reis d’España a Asturies, la cabera anantes del manifestamientu convocáu l’Ochu Setiembre pol futuru d’Asturies

 

El coleutivu, qu’aconceya alrodiu de 20 organizaciones baxo’l llema “Asturies nun tien rei” , convoca pa mañana, ún de Setiembre, una nueva concentración col mesmu llema, a les 19’30 h. Tendrá llugar n’Uviéu, na Cai Xeneral Yagüe, 2, énte la sede de la “Fundación Princesa de Asturias”, onde denunciarán la esistencia mesma d’esta Fundación y tornarán a reclamar el desaniciu del Reinu d’España. 

L’oxetivu d’esta concentración ye duple: reclamar la República ya’l drechu del pueblu a decidir la so forma de gobiernu, espeyando el non reconocimientu de la monarquía española por parte de los asturianos, y denunciar los premios Principiegos, un torpe intentu de llavar la imaxen de la monarquía, entamaos por una fundación corrupta, el patronatu de la Fundación Princesa, onde tan les grandes fortunes d’España y dalgunos de los más direutos responsables de la crisis económica que se carez.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies