• Portada
  • >
  • Mundiu
  • >
  • Mural n’alcordanza del asesinatu de Luciano Romero Molina

Mural n’alcordanza del asesinatu de Luciano Romero Molina

  • 26 Agostu, 2020

Solo nel 2020 fueron asesinaes en Colombia 243 persones, incluyendo 194 líderes sociales, 8 familiares, y 41 roblaores d’alcuerdos de paz; el programa asturianu de protección temporal acueye anguañu a 125 persones en persecución a muerte

El Programa Asturianu d’Atención a Víctimes de la Violencia en Colombia acueye a persones que carecen persecuciones a muerte en Colombia por defender los drechos humanos, la vida, la paz y el mediu ambiente. Ayeri cumplíense 20 años de la so nacencia y 15 del asesinatu d’una de les persones que tuvieron abellugaes dientro d’esti programa, Luciano Romero Molina.

Cómo xestu d’homenaxe’l Colectivu de Colombianos-as Refuxaos-as n’Asturies “Luciano Romero Molina”, una de les dolce organizaciones sociales de sofitu del Programa n’Asturies, fexeron un mural de creación coleutiva dedicáu a Luciano, na Casa Sindical.

Amás de les dolce organizaciones sociales de sofitu del Programa n’Asturies, esti ta integráu por nueve organizaciones colombianes y delles instituciones asturianes y españoles. Agora mesmu son 125 les persones acoyíes por mor de les persecuciones a muerte en Colombia por defender los drechos humanos, la vida, la paz ya’l mediu ambiente

Pal 12 de Setiembre tán preparando una xornada na que se van cellebrar dambes efemérides, la creación del programa asturianu de ddhh ya’l crímen de Luciano.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies