• Portada
  • >
  • Economía
  • >
  • Güei preslla la costera’l bonitu más curtia de los caberos años

Güei preslla la costera’l bonitu más curtia de los caberos años

  • 19 Agostu, 2020

Güei a les 00:00 hores presllaba la temporada de pesca del atún blancu del Norte, confirmando los temores de los pescaores, que recalquen que mientres les captures de la flota asturiana ficieronse con artes respetuoses, les flotes francesa ya irlandesa, entá actives, siguen utilizando’l sistema d’arrastre, tremendamente agresivu pa la mar

La Secretaría Xeneral de Pesca comunicaba hai dos díes el preslle prematuru de la costera’l bonitu, ocho díes anantia que la del añu pasáu, por algamase’l 100% de la cuota añal. Ello implica que los barcos asturianos nun podrán capturar más atún blancu del Norte nes agües del Océanu Atlánticu, namás desembarcar les cantidaes capturaes y declaraes anantes d’esta fecha de preslle. Les infraciones a esti preslle, qu’afeuta tamién a la pesca de recréu y esportiva, sedrán sancionaes alcordies la Llei de Pesca Marítima del Estáu.

Nesta costera, qu’entamaba el mes de Xunu, los barcos asturianos descargaron más de 1.700 tonelaes de captures, concentraes nos puertos de Xixón y Avilés, pocu más de la décima parte de les 16.620 tonelaes disponibles pa tol estáu. Neses tonelaes inclúyese la captura de monu (menos de 5 kilos), bonita grande, matreru y recortáu (bonitu de medianu grandor). La cotización del atún blancu caltúvose asemeyada a la del 2019, ello ye, rondando los 4 € el kilo.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies