La Coordinadora Ecoloxista d’Asturies vuelve denunciar la esistencia de vertideros nel espaciu natural del banzáu de San Andrés de los Tacones, en Xixón, ensin que nin el Conceyu nin el Gobiernu de Asturies tomen midíes 

L’altu valor natural de la zona que llenda’l ríu Aboño, d’Especial Proteición pa les Aves (zona ZEPA), fai necesaria la so xixilancia, sobremanera teniendo en cuenta de que va meses que se dió el primer avisu de la esistencia de numberoses zones d’arramaos.

Los ecoloxistes recuerden que la xestión de les basories ye una competencia municipal, siendo obligáu’l control de los referíos llugares de vertios, la obligada retirada de les basories, la derivación de los mesmos a un xestor autorizáu y la clausura cola correspondiente señalización tres la llimpieza de los llugares, lo que podría dar llugar a responsabilidaes penales por omisión del deber d’evitar la quema forestal.

Los numberosos vertideros clandestinos qu’hai en Asturies constitúin un grave riesgu de quema y suponen  una fonte de contaminación del sosuelu y de les agües polos llixiviaos que se xeneren. D’ende que seyan importantes les polítiques de prevención, y erradicación de los mesmos.

Redaición InfoAsturies

This work is licensed under a Creative Commons Attribution 4.0 International License.