La Federación Asturiana Memoria y República (FAMYR) vien de concluyir la primer parte del so proyeutu Silenciaes, pero non escaecíes. Muyeres y represión franquista n’Asturies y busca collaboración pa completar el trabayu

La primer fase del proyeutu que trata de dar voz a les muyeres represaliaes mientres el franquismu n’Asturies concrétase na redaición d’un llibru del que l’autora ye la hestoriadora Mónica García Fernández nel que repasa la manera na que la dictadura española dirixó la so maquinaria contra las muyeres y documenta cerca de un millar de casos de condenaes y axusticiaes, muyeres anónimes cuya llibertá, autonomía y, en munchos casos, vida foi tarazada pol aparatu represivu del franquismu. Una represión que non solo foi direuta, de tipu políticu, sinón que tamién se desendolcó de manera doméstica, nel día ente día, istitucionalizada.

Agora busquen completar el trabayu con mas documentación, pa lo qu’anden a la gueta de collaboración ciudadana, llamando a apurrir testimonios, semeyes, documentos… tou aquello que-yos dexe sacar a la lluz esti episodiu prietu de la nuesa hestoria y poner en valor el so compromisu y la so llucha.

Cualisquier aportación o collaboración valible pal trabayu puede unviase al so mail famyrmemoriayrepublica.org

This work is licensed under a Creative Commons Attribution 4.0 International License.