Ventiún adolescentes, dos monitores, un cordal

  • 20 Xunetu, 2020

L’Asociación de Montaña Torrecerredo torna facelo; per segundu añu consecutivu propónense la fazaña de completar una travesía al traviés del cordal Cantábricu


Al igual que l’añu anterior, un grupu de ventiún intrépidos adolescentes, de trece a dieciocho años, xúntense para consiguir la fazaña de travesar más de cientu sesenta kilómetros campu al traviés, faciendo cume en más de sesenta montes del cordal.

Participantes na Cordi 2019

Güei,20 Xunetu, entamaron  la  primer etapa nel puertu de Tarna, dende’l que se diríxen al abellugu de Brañagallones, col envís d’aportar el 21  d’esti mesmu mes al Puertu Somieu, terminando asina cola travesía.

Pel camín estos mozos y moces van conocer la naturaleza, xeografía, xeoloxía, climatoloxía y meteoroloxía del Cordal Cantábricu, de la que los sos guíes introduciránlos na hestoria d’Asturies, deprendiendo al tiempu sobro les práutiques agrícoles y ganaderes del monte asturianu, la mitoloxía y les lleendes del país.


Amás d’esta travesía del Cordal Cantábricu, la estaya moza del Torrecerredo propónse una pequena travesía a la que nomen “La cordillerina”, una versión más curtia d’esta fazaña, de menos díes y rutes más curties p’aventureros más nuevos ya inespertos. Y eso nun ye tou pal A.M.A Torrecerredo, quien propón esti añu un proyeutu fora d’Asturies, yá que tien como oxetivu completar por primer vegada pal club la travesía de Sierra Nevada. Estes dos actividaes tienen les iscripciones abiertes y tola información referente a elles puéde atopase na web del Club.

Nel Dos Santos Fernández

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies