• Portada
  • >
  • Conceyos
  • >
  • El Conseyu de Padremoñu aceuta la propuesta fecha por Andecha Astur de recostruyir l’Horru de Vis

El Conseyu de Padremoñu aceuta la propuesta fecha por Andecha Astur de recostruyir l’Horru de Vis

  • 26 Xunu, 2020

Esta ye la primer vegada que dende’l gobiernu d’Asturies s’encamienta la recostrución d’un horru baltáu

Tres del esbarrumbu el 4 de Xunu del Horru con debuxos de la francesá allugáu n’El Pedrosu, na parte alta de Vis, pueblu d’Amieva,  incluyíu nel Inventariu de Padremuñu Cultural d’Asturies (2008) y protexíu pola Llei del Padremuñu Cultural (2001) y pol so Reglamentu (2015),  Andecha Astur presentare a la Presidencia’l Gobiernu d’Asturies, a la Conseyería de Cultura y al alcalde d’Amieva un escritu qu’ente otres custiones pidía la recostruición d’esti horru de magar los materiales restantes del so esbarrumbu y siguiendo estrictos criterios científicos y profesionales.

El Conseyu de Padremoñu vien d’asumir agora les reclamaciones de la organización nacionaliega, encamentando a los sos propietarios  que presenten un proyeutu pa la so reconstrucción, utilizando les pieces reaprovechables, recoyies polos vecinos de la zona y que se caltienen guardaes nun almacén y pente les que tán les maeres pintaes que lu faen tan estremáu.

Andecha Astur destaca’l fechu de qu’esta ye la primer vegada que dende’l “Principado” s’encamienta la recostrución d’un horru baltáu, de tala miente que fasta agora ca horru hestóricu baltiáu, esaniciábase, lo que sienta un emportante antecedente.

Sicasí, Andecha Astur insiste na importancia de depurar responsabilidaes polítiques y llegales, y avisa de que fadrá un seguimientu del encamientu del Conseyu de Padremuñu, pa comprebar que bramente torna llevantase l’horru de Vis, “tou un símbolu de comu hai que defender el padremuñu y la identidá cultural asturiana frente al desdexamientu y minusvaloración istitucional”.

Nuria Prendes


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies