• Portada
  • >
  • Cultura
  • >
  • Andecha Astur pidi la recostrución del Horru de Vis y reclama responsabilidaes polítiques

Andecha Astur pidi la recostrución del Horru de Vis y reclama responsabilidaes polítiques

  • 18 Xuño, 2020

La perda del Horru de Vis ye un símbolu de cómu se maltrata y castiga la identidá y cultura asturiana. Dexaron morrer l’Horru de Vis y tantos otros bienes valiosos, pero sovencionen artificialmente les matances de toros o les Feries d’Abril n’Asturies. El so oxetivu ye minusvalorar la identidá y la cultura asturiana y sostituyila sele por un modelu cultural ayenu. Hai responsables políticos y tienen d’encariar les consecuencies”

Si los horros y paneres d’Asturies son parte fundamental del nuesu padremuñu, el d’El Pedrosu, asitiáu na parte alta de Vis, pueblu d’Amieva, yera una ayalga d’especial valir pola so antigüedá, calter artísticu ya emportancia hestórica. Perteneciente al escasu estilu decorativu de “La Francesá”, na so maera representábense escenes del llevantamientu n’armes d’Asturies contra les tropes d’ocupación franceses, al entamu’l sieglu XIX. D’ente los qu’amuesen estos debuxos, el de Vis, incluyíu nel Inventariu de Padremuñu Cultural d’Asturies (2008) y protexíu pola Llei del Padremuñu Cultural (2001) y pol so Reglamentu (2015), yera’l más valiosu pola bayura ya interés de los sos diseños. Los vecinos veníen denunciando dende hai años el so mal estáu y tantu les alministraciones comu los propietarios del mesmu foron avisaos del so deterioru, ensin que tuviere llugar la necesaria intervención de les autoridaes pa protexelu.

Andecha Astur pide que la Presidencia’l Gobiernu entame un espediente d’investigación pa determinar les responsabilidaes de tolos implicaos: los dueños del horru, l’Alcalde d’Amieva, la Conseyera de Cultura, Política Llingüística y Turismu, el Direutor Xeneral de Cultura y Padremuñu ya’l Xefe’l Sirviciu de Proteición, Conservación y Difusión del Padremuñu Cultural yá que “toos ellos incumplieron gravemente les sos obligaciones llegales en materia de conservación del padremuñu asturianu”. 

Asina mesmo, demanden la recostrución del mesmu en base a los materiales restantes del so esbarrumbu, siguiendo estrictos criterios científicos y profesionales.

Redaición InfoAsturies

This work is licensed under a Creative Commons Attribution 4.0 International License.

2 Comments Already

  1. Estimados amigos , les facilito yo documentación más que suficiente de una panera derribada parte por un amigo de lo ageno , en el lugar de Feleches , Novalin , siero con pruebas y actas notariales y varios escritos del ayuntamiento de siero en el cual el último se hacía responsable de ella y así todo deja que el vecino amigo de lo ageno siga con el procedimiento de derribarla , una panera del siglo pasado .

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies