Evacuación por acidente d’un de los trabayaores en fuelga fame

  • 10 Xunu, 2020

Adrían Rey careció un seriu acidente causáu pola so febleza depués de 29 díes ensin alimentase

Güei, miércoles 10 de Xunu, Adrián Rey Menéndez, un de los cuatro trabayaores de la empresa EBHI en fuelga fame pola reconocencia de los sos drechos llaborales, sedrá evacuáu del empreslle a les 15:00 la tardi. La so retirada ye por mor d`un acidente carecíu nesta mesma mañana cuando, alcontrándose nes dependencies de la empresa nes que lleven empresllaos 29 díes, amorió, cayéndo embaxo y llevando un fuerte golpe na tiesta al cayer.

En vista de que nun alica y continúa amoriando, decidióse que ye lo más comeniente qu’abandone l’empreslle y la fuelga fame, lo que fadrá a les tres de la tardi, camín del hospital, siempres que’l so estáu nun empiore nestes hores.  El continúu sofitu de la ciudadanía a estos trabayaores fae albidrar qu’Adrían tendrá a la so salida un candial y multitudinariu recibimientu y munchos aplausos.

Los otros dos trabayaores continúen cola so fuelga de fame que va ya camín d’un mes, recordando’n tou momentu que los únicos responsables en casu d’ocurrir una llaceria son la empresa, por negase a cumplir la llei y lo pactao, ya’l gobiernu del “Principado” por nun intervenir nel conflictu.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies