Pesi a tar a consulta pública fasta’l díi 15 Xunetu, el  “Principado” ta permitiendo qu’avance’l proyeutu de les plantes de tratamientu de residuos na llocalidá del Peral nel conceyu  Ribadeva

La Coordinadora Ecoloxista d’Asturies denuncia la continuación d’esti proyeutu de tratamientu de residuos peligrosos, onde agora pretende tratase 56.000 tonelaes al añu d’estremaos tipos de residuos, incluyendo metálicos, procedentes de la costrución y valtu, receición y descontaminación de vehículos fuera d’usu y xestión de residuos d’aparatos lléutricos y lleutrónicos, amás de cuntar con un cientru de trasferencia de residuos, ocupando un total de 3.300 metros cuadraos, metanes el núcleu del Peral, a 20 metros de les viviendes y hoteles de la zona.

El proyeutu incumple les condiciones urbanístiques vixentes, tando recoyía comu contaminante y poro incompatible con tar allugada metanes una población .

Dende la CEA anuncien que “Vamos volver a allegar pa que’l Principado paralice esti disparate d’emplazamientu propuestu pa esta actividá contaminante, agotaremos les víes llegales pa paralizales y desixir responsabilidaes a quienes permitieren estos graves fechos”.

Redaición InfoAsturies

This work is licensed under a Creative Commons Attribution 4.0 International License.