• Portada
  • >
  • Mundiu
  • >
  • #NunQuieroPremiosdeLladrones, el hastag col que los sanitarios refuguen el premiu Princesa

#NunQuieroPremiosdeLladrones, el hastag col que los sanitarios refuguen el premiu Princesa

  • 4 Xuño, 2020

La concesión del Premiu “Princesa de Asturias de la Concordia 2020” a los sanitarios en primer llínia na llucha contra’l covid-19 llevanta una fola d’indinación pente los presuntos premiaos, que consideren la ufierta d’esti premiu comu una estratexa hipócrita de márquetin pa blanquear la monarquía a costa del so esfuerciu

El xuráu que decidió la entrega del premiu, en conceyu telemáticu presidíu por Adrián Barbón, resalta la “entrega incondicional” y el “heroicu espíritu de sacrificiu” amosáu polos profesionales sanitarios nos piores intres del andanciu. Pero los sanitarios nun quieren ser heroes, quieren desendolcar el so trabayu en bones condiciones y garantizar tantu la so estabilidá llaboral comu un serviciu sanitariu de calidá.

Poro, baxo’l hashtag #NunQuieroPremiosDeLladrones (nes sos estremaes versiones sigún les llingües del estáu) son asgaya los sanitarios que refuguen el premiu de la corona española y reclamen per contra más medios y más personal.  Tamién desixen a la monarquía española la devolución de tolo robao y son asgaya los que refuguen esplicitamente esta istitución ya estos premios, destacando la hipocresía d’un Patronatu Princesa nel que podemos alcontrar a xente comu Florentino Pérez, les hermanes Koplowitz, Ana Patricia Botín, Sol Daurella o Juan-Miguel Villar Mir, o el mesmu rei d’España, pente muchos otros, que siempres se carauterizaron pola so férrea defensa de lo privao frente a lo público.

El tweet que más se ta viendo ye:

Hola @CasaReal:
como enfermera (o enfermeru/mélica/mélicu, anestesista…) que tuvo en “primer llínia contra la covid-19” renuncio públicamente a esti “premiu” y desixo que devolváis lo robao.#NoQuieroPremiosDeLadrones. #NunQuieroPremiosdeLladrones.

Sicasí, podemos alcontrar otros munchos más esplícitos

@CasaReal: Al respectu del premiu “princesa de Asturias de la concordia 2020” a les y los sanitarios que llucharon escontra’l coronavirus.
Diré:
Los premios nun salven vides, y sí lo fae la inversión na sanidá pública.
Estos premios, como tolos que se dan baxo esi nomatu, nun son mas qu’un llaváu de cara de la monarquía franquista y corrupta y un menospreciu al País Astur, al cual nun representen.
Asturies ye muncho más qu’unos premios.

Premios princesa non! #NunQuieroPremiosdeLladrones #NoQuieroPremiosdeLadrones

 

@CasaReal: Yo l’únicu premiu que quiero ye una estabilidá llaboral y unes condiciones de trabayu non precaries. La princesa d’Asturies pueden metelu pel culu. #NunQuieroPremiosdeLladrones #NoQuieroPremiosdeLadrones

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies