Segundu díi de fuelga indefinía y 22 díes de fuelga fame n’EBHI

  • 3 Xuño, 2020

Nel conceyu de trabayaores del pasáu sábadu decidióse, por 71 votos a favor y 4 votos en contra, entamar ayeri martes una fuelga indefinía na empresa d’estiba d’El Musel, que se suma a los 22 díis de fuelga de fame de los cuatro trabayaores empresllaos nes istalaciones de la empresa, a les aiciones diaries de sofitu y a la manifestación de mañana xueves

La rempuesta del Gobiernu del “Principado” ante la solicitú de mediación pol fracasu de la negociación nel SASEC ya l’incumplimientu por parte de la empresa de lo pactao con esti organismu nun ye otra qu’acudir al SASEC a negociar, una rempuesta que, sumada al silenciu del presidente Adrián Barbón, finó cola pacencia de los trabayaores d’EBHI, que decidieron en consecuencia tomar midíes de presión más fuertes pa forciar la resolución del conflictu, n’espera de la rempuesta de la solicitú d’intervención qu’Andecha Astur fexo aportar al gobiernu d’España.

El primer díi de la fuelga tuvo llugar un piquete informativu a la entrada d’Arcelor, en Sotiello ya un actu de sabotaxe -non revindicáu pol comité d’empresa- nel que se quemó un coche utilizáu pol personal de xixilancia de la empresa. Pel so lláu la empresa prohibió ayeri les concentraciones que facíen los trabayaores a la una y media delantre’l llugar nel que tan empresllaos los cuatro que tan en fuelga fame, ante lo qu’un de los mesmos declaraba qu’esta ye namás “una amuesa más de la calaña que dirixe esta empresa… qu’a nosotros ya nun mos afeuta, porque sabemos que la xente va seguir faciendo lo que ta faciendo por nosotros, sentímonos respaldaos, tolos díes coles concentraciones que se tan faciendo agora na Plaza’l Marqués…”

Les demostraciones de sofitu y solidaridá aporten diariamente dende toa Asturies de parte de toa triba d’entidaes: asociaciones, cientros culturales, trabayaores d’otres empreses, grupos musicales, artistes y sindicatos.

Mañana xueves a les 9:30 la mañana ta prevista una concentración delantre la Xunta pa desixir soluciones y a les 20:30 una manifestación saldrá de la Plaza l’Humedal en solidaridá colos trabayaores.

Llucía F. Marqués

Piquete informativu n´Arcelor (Sotiello)

Piquete informativu esta mañana a la entrada d'Arcelor en Sotiello en solidaridá cola fuelga comenzada polos trabayadores de la EBHI y en sofitu a los 4 trabayadores zarraos y en fuelga de fame nel puertu d'El Musel dende fai yá 21 dies. (Musiquina "A la fuelga" por Rolando Alarcón)Piquete informativo esta mañana a la entrada de Arcelor en Sotiello en solidaridad con la huelga iniciada por los trabajadores de la EBHI y en apoyo a los 4 trabajadores encerrados y en huelga de hambre en el puerto de El Musel desde hace ya 21 dias. (Musica "A la huelga" por Rolando Alarcón)#EBHIdespididosnon #BarbonEBHIsolucion #EBHIenllucha

Publiée par EBHI en Llucha sur Mardi 2 juin 2020

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies