Los trabayaores pidin qu’agora, más que nunca, s’acuda a la concentración de sofitu que tien llugar tolos díes na Sablera L’Arbeyal a les 20:30 la tardi
Una bones que la empresa s’alcuentra’n situación d’ERTE, los trabayaores que’l 13 de Mayu entamaron la so fuelga de fame solicitaren a EBHI que los mantuviere regulaos durante la mesma, ya que’l so trabayu ye d’altu riesgu y les sos condiciones físiques nun lo recomienden. Cuatro díes depués el comité d’empresa recibió rempuesta denegando esta pidición, polo qu’ayeri, 17 Marzu, tuvo llugar la reincorporación d’un de los fuelguistes al so puestu de trabayu.
Esto espón a una presona que lleva 5 díes ensin comer a trabayos físicos, n’altura y con maquinaria pesao, poniéndolu en situación d’altu riesgu tantu a elli comu a los sos compañeros.
Pa los fuelguistes esto nun ye sinón una manera de forciar al trabayaor al abandonu de la fuelga de fame y anuncien que continuarán con ella, faciendo responsable a la empresa de cualisquier acidente que pudiere ocurrir. Asina lo afitó Adrián Rey, un de los fuelguistes, nes sos declaraciones, nes que tamién punxo’n tela de xuiciu la moralidá de les decisiones tomaes pola direutiva d”EBHI “Cuestionámonos cual ye la ética d’esta empresa, una empresa del seutor públicu que tendría de ser exemplar y que ta queriendo romper esti empreslle xugando cola salú d’un de los fuelguistes”.
Llucía F. Marqués
This work is licensed under a Creative Commons Attribution 4.0 International License.
