4 trabayaores en füelga de fame nel Puertu Xixón

  • 14 Maio, 2020

Los fuelguistes tan dimpuestos a llegar onde seya necesario pa que la empresa recapacite y denuncien qu’EBHI pretende aprofitar la situación creada pola cris sanitario p’aplicar de manera unillateral midies contraries a la plantiya, incluyendo incumplimientos d’alcuerdos anteriores, dispidos tapecios ya un ERTE en condiciones perxudiciales pa los emplegaos

Na tardi d’ayeri cuatro trabayadores d’EBHI  -empresa de titularidá pública de la que ye acionista mayoritaria l’Autoridá Portuaria de Xixón- empreslláronse nel llocal del Comité d’Empresa y entamaron una fuelga de fame indefinía como refuga escontra les caberes midíes tomaes unillateralmente pola empresa.

Per un llau, la solicitú d’un ERTE nel que la plantiya cobrará namás el 55% del so salariu, solicitáu con plazu fasta’l 31 d’avientu del 2021, pesi a que la mesma empresa reconoció que nel añu 2021 la sociedá nun tendría perdes. Per otru, la empresa comunicó que, amparándose nel COVID-19, nun pedirá la tasa de reposición del 100% que rixe esti añu en tol seutor públicu, lo que llevaría al despidu en diferío de cuatro compañeros esti añu y tres más nel prósimu; despidos que tendrán efeutu sigún estos compañeros vaigan finando los sos contratos temporales y que sedrán maquillaos pola empresa como “fines de contratu” pa que nun contabilicen comu despidos.

Estes midíes unillaterales por parte la empresa supondrán un incumplimientu l’alcuerdu fin de fuelga robláu nel SASEC tres finar el conflictu del 2017.

Los trabayaores entienden que les decisiones tomaes pola empresa son contraries dafechu a les istruciones del gobiernu, nes que se dexa claro que la cris nun pue ser escusa pa esfarrapar emplegu nin pal usu abusivu de la figura del ERTE.”La inflesibilidá, la imposición, l’engañu y la imposibilidá dafechu de negociación por parte la empresa, forzomos a tener que tomar esta drástica midía. Nun podemos pescanciar como, una empresa del seutor públicu como EBHI, del que ye accionista mayoritariu l’Autoridá Portuaria de Xixón (el cualu presidente ye nomáu pol gobiernu asturianu), aplica unes midíes a la escontra dafechu de la llinia política defendía pol Gobiernu español dende qu’españara la crisis del COVID-19.”
Dando los cuatro fuelguistes por rotes les posibilidaes de negociación, tanto cola empresa como col so accionista mayoritariu, soliciten la mediación del Gobiernu d’Asturies pa qu’igüen a curtiu plazu esti conflictu, evitando consecuencies mayores, y anuncien que sedrán
“inquebrantables na defensa de los puestos de trabayu de tolos nuesos compañeros, y namás dexaremos esta fuelga de fame indefinida con una solución qu ́asegure esi emplegu”.
Ayeri los vecinos de Xixón amosaron la so solidaridá colos fuelguiestes nun paseu solidariu na Playa l’Arbeyal.

Llucía F. Marqués

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies