• Portada
  • >
  • Conceyos
  • >
  • Sanatorio de Bustiello, un casu más de desaniciu de l’arqueoloxía industrial asturiana

Sanatorio de Bustiello, un casu más de desaniciu de l’arqueoloxía industrial asturiana

  • 13 Maio, 2020
Pesi a tar declaráu comu Bien d’Interés Cultural, lo qu’obliga a les alministraciones titulares del mesmu al so remozamientu y caltenimientu, el Sanatoriu de Bustiello protagoniza un casu más d’abandonu del padremoñu asturianu

El pobláu de Bustiello costitúi una esceición dientro l’arqueoloxía industrial asturiana: un conxuntu llevantáu pente 1890 y 1925 pola empresa minera del Marqués de Comillas, la Sociedá Hullera Española. Inclui una ilesia, un monumentu, una escuela, una farmacia, un casino ya un sanatoriu, amás de los aloxamientos pa inxenieros y obreros.
El sanatoriu, en concreto, costruyóse’n 1902 col envís de dar atención mélica a los trabayaores enfermos, siendo ún de los más avanzaos de la dómina y calteniéndose’n furrulamientu dica mediaos del sieglu pasáu. Anguañu alcuéntrase desdexáu dafechu y n’estáu de ruina.
Nos años noventa iguose ya utilizóse comu escuela taller, pero el fin d’esi usu llevó nuevamente al so desaniciu. Anguañu amorez tapiáu y desdexáu a la so suerte, pesi a la so declaración de Bien d’Interés Cultural.

La titularidá l’edificiu correspuende al “Principado”, tando obligáu a la so igua y caltenimientu.

Los vecinos consideren urxente el so remozamientu y posterior dedicación a dalguna triba d’actividá caltenible que garantice’l so futuru. En concretu proponen recuperar el so usu “en cuestiones relacionaes coles insuficiencies que, tantu nel Sistema de Salú Pública comu nel de la Sanidá Pública l’actual andanciu pon de manifiestu” y con esi envís ponen en marcha una recoyía de robles en Change.org. 
Redaición InfoAsturies

This work is licensed under a Creative Commons Attribution 4.0 International License.

1 Comment Already

  1. Muy buen articulo sobre el estado ruinoso del sanatorio minero de #Bustiello al igual que la escuela de niñas y la Farmacia como he venido notificandolo en mi pàgina twitter @CelestinoGutirr desde hace años.Me alegro de ver comentarios que pueden llamar la atencion sobre este patrimonio minero valiosisimo. Muchas Gracias

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies