Formientu remembra con un retu en redes que’n circunstancies normales, estos díes cellebraríase la XLI Selmana de les Lletres Asturianes, aplazada por agora a Ochobre por mor del andanciu
La plataforma lliteraria Formientu caltúvose especialmente activa demientres l’empreslle causáu pol coronavirus, gracies al so festival online #FormientuEnCasaFest, que suma agora 2 meses y más de 60 actos culturales col asturianu como llingua vehicular, sumando cerca de 80.000 espectadores y qu’entama agora la so cuarta -y esperamos que cabera- fola.
Con motivu de la Non-Selmana les Lletres Asturianes llancen un retu en redes col que faen por visibilizar la lliteratura asturiana al traviés d’un cenciellu cuestionariu nel que’l retáu tien d’identificar la novela, autor, cantar y poema asturianos que más emportancia tuviere na so vida, nominando de pasu a les presones que quiera pa facer tamién esti retu lliterariu con obres n’asturianu. #retuformientu
Pola mio parte, tais toos/es nominaos.
Nuria Prendes
This work is licensed under a Creative Commons Attribution 4.0 International License.